يمكن .....!!!
إيه رأيك
تيجى تغير فــ ملامحك
مثلا يعنى
تركن حزنك
على شط ميامى
وتعمل نفسك مش واخد بالك
وتسيبه
وتمشى
أو تسترجع طعم اللذة
وقت ما كانت إيدك
بتشكل جغرافيا البنت
اللى بتكتب كل تاريخك
لسه مكشر
جرب تسكر
لا مش خمرة
دا صوت فيروز
( حبيتك بالصيف )
بس الصيف
كده ليه متعكر
وحشه البحر
ضل عنيها
نداوة شوقها وهى
بتسرسب ريقها
على جمر شفايفك
جنون اللحظة
لما بيحضن خصر البنت
كفوفك
مزيكة خطوتها ع الاسفلت
حاول تنسى
ما تفلسفش الحزن
ولا تخنق دلالات المشهد ف عيونك
إرسم ضحكة
واعمل نفسك فرحان
يمكن ............
