خلص الكلام
واتعلَّقِت فِـ حبالُه لَهفِة قلبى لِيك
واتبَعتَرت حَوالِيه مَشاعِر
مِن زمان ماعرِفتهاش
إلا وانا بَحضُن إيدِيك
ولَقِتنى بَعد الشُّوق ووِيلُه وقَسوِتُه
بَندَه عَلِيك
وافرِش بساط الرَّاحة مِن تانى
فـ عنيك
مش لاقى غِير كِلْمة بحبَّك
تعترفلَك باللى شايلُه فـ قلبى لِيك
كُل امَّا اشُوفَك يا حَبيبى
هاقولها بعنيَّا لعنيك
و بيها هارميلَك سلام
مِن غير كلام
علشان أنا مِن لَهفِتى
خَلَّصت فِيك كُل الكلام
الله عليك
الله عليك
