الرئيسية » » فرحة العمر | حمادة البهلوان

فرحة العمر | حمادة البهلوان

Written By Unknown on الأحد، 14 يونيو 2015 | 3:13 م



فرحة العمر
=============
1-يافرحة العمر استنى
أنا حظى ليه أحزان
والضحكة لى بتهرب مِنِّى
صالحنى بَقا يا زمان
**
2-أهلى وحبايبى وخِلانى
بينهم عايش محروم
وحدانى ديمن وحدانى
بقاسى يوم ورا يوم
**
3-الغربة ليه كده وخدانى
والخلق ليه مش فاهمانى
وليه بقاسى وبعانى
أكونش انا واحد تانى
**
4-فيه ناس كتير جرحت قلبى
وطلعت انا الغلطان
أهلى وصحابى وحبابيى
مع إنِّى مش ندمان
**
5-و دّ ذنبهم ومهوش ذنبى
ولا عمرهم وَقفُم جنبى
وغُلبت ادارى وأخبى
لكن خلاص الكيل فاضبى
**
6-أهلى اللى انا عايش ليهم
جرحونى كتير
والشر باين فـ عنيهم
ودّ هم كبير
**
7-إزاى يا دنيا تطاوعيهم
وتحرمينى وتعطيهم
والغدر ده منهم فيهم
حرام عليكى وعليهم
**
8-ضيعت عمرى وسنينى
واتسرسِبت مِنِّى الأيام
ودموع بتجرى من عينى
على خدى ساعة ماآجى انام
**
9-ضيعت عمرى وسنينى
عايش لغيرى وناسى نَفسى
ودموع بتجرى من عينى
فرَّحتُهم ، كَسروا نِفسى
**
10-ضيعت عمرى وسنينى
وياريتنى افوق بقا واتعلم
ودموع بتجرى من عينى
تشهد عليَّا وتتكلم


التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.