خلينا صحاب
خلينا صحاب متقربينيش منك أكتر متعلقينيش بيكي زياده..
خلي المسافات بيننا بعيده وبلاش بالساهل نتمادي..
مش لازم تتعود ودني علي صوتك دايمآ قبل ما انام..
ولا لازم نخرج انا وانتي او تحضن ايدي ايديكي اوام..
ولا لازم اغير حتي عليكي وبلاش برضه تغيري عليا..
ولا لازم احبك من اصله وانا عارف انك مش ليا..
خلينا صحاب ..
مش عايزك تاخديني ف حضنك لو زاد البرد..
ولا عايزك تاخدي علي ملامحي ولا نوحش بعض..
وبلاش لو جدآ وحشاني تسيبيني اجيلك..
وبلاش لو حاجه مضايقاني ف ثواني احكيلك..
خلي اللي ما بيننا يكون سطحي من غير تفاصيلك..
انا لو قربت اكتر هتعب واللي يقولك غير كده كداب..
مش عايز قلبك يخسرني او يكسرني بفراق وغياب..
وعشان مش عايز يوم نبعد ..خلينا صحاب ..
